La cualité é nosta pasciun - Por Ves garantí che nosc laur é dla miú cualité podunse dí che nosta aziënda familiara á tröc agn d’esperiënza y á dagnora lauré cun lezitënza. Lapró adorunse les tecnologies plü modernes y i podun ince pité na bona cualificaziun dl personal, mantignida tres cursc d’ajornamënt regolars. Dal 1987 incá s’á Richard Frenademez y süa familia spezialisé da istalé implanc eletrics por frabicac abitatifs y industriai, pitan na paleta ampla de sorvisc por ciases privates, ofizi, strotöres d’alberch y ënc publics. I sun arjigná da realisé te vigni momënt dötes Ostes domandes tl setur eletrotecnich y da Ves pité soluziuns inovatives y consulënzes competëntes.